Home
એન્ટરટેઇનમેન્ટ
ગુજરાતી ફિલ્મ સ્ટાર મલ્હાર ઠાકર ગુજરાતી એક્ટ્રેસ પૂજા જોશીને પરણશે, કપલે પોસ્ટ કરતાં લખ્યું- અફવાઓનો અંત, રીલ ટુ રિયલ

ગુજરાતી ફિલ્મ સ્ટાર મલ્હાર ઠાકર ગુજરાતી એક્ટ્રેસ પૂજા જોશીને પરણશે, કપલે પોસ્ટ કરતાં લખ્યું- અફવાઓનો અંત, રીલ ટુ રિયલ

05:48 PM November 06, 2024 Gujju News Channel

આખરે પૂજા જોશીએ મલ્હાર ઠાકર સાથે તેના લગ્નની જાહેરાત કરી દીધી. ઇન્સ્ટાગ્રામ પર પોસ્ટ કરીને અભિનેત્રીએ જાહેર કરી દીધી કે તે અને મલ્હાર ઠાકર જલ્દી જ લગ્નના બંધનમાં બંધાવા જઈ રહ્યા છે.

ગુજરાતી ફિલ્મ ઇન્ડસ્ટ્રીનો સુપરસ્ટાર અને અત્યાર સુધીનો સૌથી એલિજિબલ બેચલર મલ્હાર ઠાકર હવે ફાઇનલી લગ્નના બંધનમાં બંધાવા જઈ રહ્યો છે. છેલ્લા કેટલાય સમયથી ગુજરાતી ફિલ્મના ચાહકોમાં એ વાત ચર્ચાનો વિષય બની હતી કે ગુજરાતી ફિલ્મના અભિનેતા મલ્હાર ઠાકર ટૂંક સમયમાં જ લગ્ન કરવાનો છે. તેમનાં લગ્નની અફવાઓ પણ ઘણા સમયથી ઊડી રહી હતી કે, તે ગુજરાતી એક્ટ્રેસ પૂજા જોશી સાથે લગ્ન કરવાનો છે. હવે ફાઇનલી Malhar Thakar અને એક્ટ્રેસ Pooja Joshiએ ઓફિશિયલી Marriageની જાહેરાત કરી દીધી છે અને તેઓ સાચે જ લગ્ન કરવા જઈ રહ્યાં છે.

► મલ્હાર ઠાકરે ઇન્સ્ટાગ્રામ પર પોસ્ટ કરી જાણકારી આપી

ગુજરાતી ફિલ્મના અભિનેતા મલ્હાર ઠાકર કોની સાથે લગ્ન કરશે તેવો પ્રશ્ન ઘણીવાર ચર્ચાયો હતો. આ અંગે અભિનેતાને સવાલો પણ પૂછવામાં આવ્યા છે, પણ ત્યારે અભિનેતાએ હંમેશાં જવાબો આપવાનું ટાળ્યું છે. ત્યારે હવે દરેક ચર્ચાઓ પર પૂર્ણવિરામ મૂકતાં અભિનેતાએ જાહેરાત કરી દીધી કે તે જલદી જ લગ્ન કરી રહ્યા છે. ગુજરાતી ફિલ્મ અભિનેત્રી પૂજા જોશીએ પોતાના ઇન્સ્ટાગ્રામ પર પોસ્ટ કરીને જણાવી દીધું કે તે અને મલ્હાર ઠાકર લગ્નગ્રંથિથી જોડાશે.

► કોણ છે પુજા જોષી ?

પૂજા જોશીનો જન્મ 28 જૂન 1992ના રોજ મુંબઈ, મહારાષ્ટ્ર, ભારતમાં થયો હતો. પૂજા જોશીનો જન્મ અને ઉછેર મુંબઈમાં એક ગુજરાતી પરિવારમાં થયો હતો. તેના પરિવારનું બેકગ્રાઉન્ડ ડિફેન્સનું છે અને તેના પિતાએ ભારતીય વાયુસેનામાં સેવા આપી હતી. પૂજા જોશી હું તારી હીર (2022), લવ અતરંગી અને આવું જ રહેશે (2018) ફિલ્મો માટે જાણીતી છે. પૂજાએ મુંબઈની મીઠીબાઈ કોલેજમાંથી બાયોટેકનોલોજીમાં ગ્રેજ્યુએશન કર્યું છે.